Հաստատակամ հաղորդակցություն

Կյանքը մարդկանց առջև մշտապես խնդիրներ է դնում և պահանջում դրանց վերաբերյալ կայացնել հստակ որոշումներ: Ոմանք, չընդունելով ընկերների այս կամ այն առաջարկը, չեն կարողանում մերժել և "ոչ" ասել, և հակառակը, հոգու խորքում համամիտ լինելով՝ դժվարանում են "այո" ասել: Բայց, ինչպես դիպուկ նշել է համաշխարհային գրականության սյուներից մեկը՝ իսպանացի մեծ մտածող Սերվանտեսը, "Լավ է շիկնանքը դեմքին, քան բիծը՝ սրտին":

Անհրաժեշտ է մշտապես և բոլոր հանգամանքներում պաշտպանել սեփական դիրքորոշումը, ասել այն, ինչ մտածում եք և մտածել, թե ինչ եք ասում: Արտահայտեք ձեր ներքին համոզմունքը, որը կարող է լինել նաև ընդհանուր կարծիքի արտահայտություն: Ամեն ոք պետք է ունենա իր համոզմունքը պաշտպանելու արիություն: Իսկ ով վախենում է, թե ուրիշները կհարձակվեն իր տեսակետների վրա, ուրեմն ինքն այնքան էլ վստահ չէ դրանցում, քանզի շատերի համոզմունքները սովորությունից ավելին չեն:

Սեփական համոզմունքները հստակ և վստահորեն ներկայացնելու համար անհրաժեշտ են որոշակի հմտություններ: Ահա մի քանի խորհուրդներ.

Tweet

Սրտի թելադրանքով, թե՞...

Դեռահասային տարիքը մարդու ամենադժվարին ժամանակահատվածն է, երբ արդեն փոքր չես, որ քո բոլոր հոգսերն ուրիշները հոգան, և ոչ էլ շատ մեծես, որ քեզ հետ հաշվի նստեն: Ավելին, երբեմն էլ անտեսում են քո ամենանուրբ զգացմունքները և իրենց կամքն են թելադրում:

Շատ չերկարացնեմ: Ես սիրահարվել եմ մի աղջկա: Սկզբնական շրջանում մեր մտերմությունը զուտ ընկերական էր, բայց գնալով հարաբերություններն այլ երանգ ստացան, և մենք միմյանց կապվեցինք սիրո ամենաջերմ զգացմունքներով: Թվում էր, որ մենք գտել ենք մեր երջանկությունը: Ի՞նչ կա ավելի գեղեցիկ, երբ սիրում ես ու սիրվում:

Բայց այդ երջանկությունը կարճ տևեց: Իմ ընտրյալը ծնողներիս դուր չեկավ հենց առաջին պահից: Դե նա օտարերկրացի է, ավելի ազատ ու անկաշկանդ, մի բան, որ իմ հարազատների համար անընդունելի է:

Tweet

"Ոչ" ասելու հմտություն

Հաճախ անհրաժեշտ է կասկածելու և փաստարկներ բերելու փոխարեն պարզապես ասել "ոչ": Սակայն դա այնքան էլ հեշտ չէ: Մարդուն անհրաժեշտ են որոշակի հմտություններ, որպեսզի նա հոգեբանորեն և սոցիալապես պատրաստ լինի դիմակայելու առողջության համար վնասակար վարքագծին նպաստող ճնշումներին: Որպեսզի արդյունավետ դիմակայեք նման ճնշումներին և զերծ մնաք վտանգահարույց վարքագծի դրսևորումներից, ձեզ անհրաժեշտ է ձեռք բերել "ոչ" ասելու որոշ հմտություններ՝ հնարավոր սադրիչ իրավիճակների ստեղծվելուց շատ ավելի վաղ: "Ոչ" ասելուն նախապատրաստվելու համար ստորև առաջարկվում են որոշ խորհուրդներ.

1. նախապես պատրաստվեք որոշում կայացնելուն,

2. Հստակեցրեք ձեր "ոչ" ասելու որոշումը,

3. օգտվեք ընտրության հնարավորությունից,

4. վերանայեք "այո" կամ "ոչ" ասելու բոլոր պատճառները,

Tweet

Հոգեբանական թեստ.պատրա՞ստ եմ արդյոք ծնող դառնալուն

Թեստ երիտասարդ մարդկանց համար 

Մտորեք այդ խնդրի շուրջ, անկեղծորեն պատասխանեք ստորև նշված հարցերին՝ հաշվի առնելով բոլոր հանգամանքներն ու հետևանքները: Պատասխանները նշեք՝ Ա(այո), Ո(ոչ), ՀՉ(համոզված չեմ).

1. Արդյո՞ք բավականաչափ հասուն մարդ եմ սեռական կյանք սկսելու և ընտանիք կազմելու համար:

2. Հոգատար կլինե՞մ ապագա ամուսնուս/կնոջս նկատմամբ:

3. Երեխաներ սիրու՞մ եմ:

4. Երկուսս էլ պատրա՞ստ ենք երեխաներ ունենալուն:

5. Կազդի՞ արդյոք այս տարիքում ծնող դառնալը մեր ապագա ծրագրերի վրա:

6. Կարո՞ղ եմ արդյոք այս տարիքում ապավեն լինել երեխայիս:

7. Պատրա՞ստ եմ խնամել և դաստիարակել երեխայիս:

8. Եթե չկարողանամ հոգալ երեխայիս բոլոր կարիքները, ապա կա՞ որևէ մեկը, որին կարելի է վստահել:

9. Ես իրո՞ք հիմա ցանկանում եմ ծնող դառնալ:

Tweet

Այդ ամենի մասին հետո...

Ես նրան հանդիպեցի ընկերուհիներիցս մեկի տանը, որը նշում էր իր ծննդյան տարեդարձը: Հենց առաջին իսկ պահից նա ինձ դուր եկավ՝ բարձրահասակ, սև աչքունքով, գեղեցիկ կեցվածքով, մի խոսքով՝ այնպիսին, որին երազել եմ: Երևի ես էլ նրան հաճելի թվացի, քանի որ առաջինն ինձ հրավիրեց պարի: Երբ մենք նվագի հնչյունների տակ միմյանց հպված մեղմօրոր շարժվում էինք, ինչ-որ մի անծանոթ ջերմություն համակեց ինձ, և ես ուզում էի, որ նվագը չդադարի...

Մեկ շաբաթ անց ես դարձյալ հրավիրված էի ընկերական մի հավաքույթի, և, օ՜ զարմանք, այնտեղ էր նաև իմ ասպետը: Եվս մի զուգապար, և նա ինձ ժամադրեց: Ես համաձայնեցի: Մեր հանդիպումը կայացավ հենց երեկույթից հետո: Առաջին համբույրները, և ես թևեր առած տուն հասա: Իհարկե մայրիկիս ոչինչ չասացի. նա խստաբարո կին է, և եթե անգամ չաղմկեր, չհանդիմաներ, հազիվ թե հավանություն տար իմ քայլին: Իսկ ես անհամբեր սպասում էի հաջորդ հանդիպմանը, որի տեղն ու ժամն արդեն որոշված էր:

Tweet

Փորձեք լիցքաթափվել

Երբեմն պատահում է, որ իրավիճակից ելնելով՝ շատ անհանգիստ և լարված եք լինում և լիցքաթափվելու կարիք եք զգում: Նման դեպքերում փորձեք կիրառել լարվածությունը նվազեցնելու հետևյալ տեխնիկան, որն ընդամենը տասը վայրկյան է պահանջում և կարող է կիրառվել ցանկացած պահի.

1. Երբ լարվածություն եք զգում, ասացեք ինքներդ ձեզ. "դա առնվազն անմտություն է, ինչը ես չեմ հանդուրժի իմ մարմնի նկատմամբ":

2. Խորը շունչ քաշեք:

3. Պատկերացրեք, որ ձեր լարվածությունը ձեր գլխում է, և դանդաղ արտաշնչելով պատկերացրեք, որ այն դուրս է գալիս ձեր քթանցքներից:

4. Երկրորդ անգամ խորը շունչ քաշեք:

5. Այժմ պատկերացրեք, որ ձեր լարվածությունը ձեր մարմնում է, և դանդաղ արտաշնչելով՝ պատկերացրեք, որ այն դուրս է գալիս ձեր ձեռքերից և ոտնաթաթերից:

Tweet

Խոսել, թե՞ լռել: Այնուամենայնիվ՝ խոսել...

Հասարակության մեջ կա այն մտայնությունը, թե իբր որքան շատ են խոսում ու գրում սեռական կյանքի մասին, այնքան հաճախանում են այլասեռությունները: Այստեղից էլ ոչ ճիշտ հետևությունը, թե "Եկենք ԴՐԱ մասին չխոսենք. չէ՞ որ մեր նախնիներն ապրել են առանց ԴՐԱ մասին խոսելու և լավ էլ ապրել են": Թվում է, որ այն ամենը, ինչն անմիջականորեն մեզ չի վերաբերում, շատ հեռու է մեզանից: Եվ երիտասարդներից շատերը, առանց երկար-բարակ խորհելու, երբեմն թեթևամտորեն պատահական կապերի մեջ են մտնում՝ չմտածելով հետևանքների մասին:  

Սեռական ոլորտն անմիջականորեն առնչվում է սերնդարարման հետ և կարևորագույն դեր է խաղում մարդու կյանքում, իսկ անգիտության կամ կեղծ բարեպաշտության հետևանքով առաջացած սեռական կյանքի աններդաշնակությունը, սեռական խանգարումներն ու հիվանդությունները շարունակում են մնալ անձնական շատ ողբերգությունների պատճառ:

Tweet

Երջանիկ ապրելու գաղտնիքները

Եղի՛ր առողջ: Մտածի՛ր ազատորեն: Հաճա՛խ ժպտա: Ասա՛ մտերիմներիդ, որ սիրում ես նրանց: Հիշի՛ր հին բարեկամներիդ: Գտի՛ր նորերին: Հույսո՛վ լցվիր: Սրտա՛նց ծիծաղիր: Զիջո՛ղ եղիր: Ծաղիկնե՛ր հավաքիր և բաժանիր քեզ շրջապատողներին: Կատարի՛ր խոստումներդ: Մտի՛ր որևէ մեկի հոգու մեջ: Քո հոգում էլ տեղ տուր մեկին: Երեխա՛ գրկիր: Մի պահ կա՛նգ առ: Դիմավորի՛ր արևածագը: Լսի՛ր, թե ինչպես է մաղում անձրևը: Վստահի՛ր կյանքին: Հավատա՛: Հավատո՛վ ապրիր: Բավականությու՛ն ստացիր: Սովորի՛ր սխալներիդ վրա: Ընկալի՛ր մեսրոպատառ առաջին բառերի իմաստը՝ <<Ճանաչել զիմաստություն և զխրատ, իմանալ զբանս հանճարոյ>>: Ուրախացի՛ր կյանքով: Կյանքո՛վ ապրիր:

Tweet

Գտի՛ր խավարում քո ԵՍ-ի լույսը

Բարև, բարեկա՛մ: Ինչպե՞ս ես: Ես լավ եմ, շնորհակալություն: Հիմա կհարցնես՝ այդ ու՞ր էիր կորել: Գիտե՞ս՝ որոշել էի առանձնանալ, ապրել առանց վիրտուալ աշխարհի, մնալ ինքս ինձ հետ, խորհել ու խոկալ: Երբեմն դա էլ է պետք: Բոլորիս կյանքում էլ լինում են պահել, երբ ցանկանում ես մնալ ինքդ քո հետ, ճեպազրույց կազմակերպել քո ու քո ԵՍ-ի հետ, վերլուծել, տալ ու ստանալ անհրաժեշտ հարցերի պատասխանները... Ինչևէ, եթե քեզ ինչ-որ բան խանգարում է, խորհուրդ կտամ՝ դու էլ հետևես իմ օրինակին: Հավատա՝ օգնում է: Հերթական վերլուծությունից հետո ես մնացի իմ նույն համոզմունքին, որ լույսի մեջ կարող է հայտնվել միայն նա, ով խավարում կարողանում է նկատել հազիվ նշմարվող լույսը: Հավատա՛ աստծուն, վստահի՛ր ուժերիդ, որովհետև դու ես քո կյանքը կերտողը: Դու ընկնելու իրավունք պարզապես չունես: Եթե ընկնես, կողքովդ անտարբեր անցնողները հաստատ ավելի շատ կլինեն, քան քեզ վեր բարձրանալու հարցում օգնողները: Եվ միշտ հիշի՛ր՝ ոչ ոք քեզանից լավ քեզ օգնել չի կարող: Դու ես քո կյանքի ամենամեծ հոգեբանը: Ժպտա՛ ու այդ ժպիտով փորձիր պայքարել կյանքի փորձությունների դեմ: Դու ուժեղ ես, դու հզոր ես: Կյանքով ապրիր, որտեղ այնքա՜ն շատ լույս կա: Փորձիր գտնել խավարում քո բաժին լույսը:

Tweet